sexta-feira, 18 de maio de 2012

Día Internacional dos Museos #DIM2012

Todos os anos desde 1977, o 18 de maio celébrase en todo o mundo, o Día Internacional dos Museos "para concienciar ao público da importancia dos museos no desenvolvemento da sociedade", isto di o ICOM (Consello Internacional de Museos) organización internacional non guvernamental dentro da UNESCO, organizadora desta data. Cada ano propón un tema para guiar aos museos nas actividades ao redor dese día, este ano o tema é: "Museos no mundo cambiante: novos retos, novas inspiracións". Na era dos novos medios de comunicación, existen novas maneiras de transmitir, de informar e de ensinar, hoxe en día na era da internet e sobre todos das redes sociais os museos teñen necesariamente que adaptarse. O contexto da crise económica-capitalista tamén supón un novo desafío: chegar ao público con baixo custe.
Neste mundo en mudanza o Museo Etnolóxico tivo novas inspiracións: utilizar por un lado as plataformas da internet con custe cero para poder continuar publicando noticias e difundindo as súas actividades nos blogues baixo a plataforma gratuita de blogger, por un lado o do propio Museo: Museo Etnolóxico Ribadavia , e por outro o da Biblioteca do Museo. A utilización de plataformas gratuitas as veces limitan as publicacións, as redes sociais e a web 2.0, axudáronnos a superar novos desafíos: por un lado publicar documentos: folletos de exposicións, índices de revistas que forman parte dos fondos da biblioteca, indices, sumarios e portadas de novidades editoriais , breves vídeos de presentación de exposicións e obradoiros, fotos das diversas actividades.
Temos abertas contas nas seguintes redes sociais:
-para incluir pdf na rede social issuu:
 http://issuu.com/museoetnoloxicoribadavia
-para subir power point e pdf utilizamos slideshare:
http://www.slideshare.net/museoetnoloxico/edit_my_uploads
-os audios en mp3 de xornadas e reunións no canal do Museo en ivoox:
 http://www.ivoox.com/escuchar-museo-etnoloxico-ribadavia_nq_14051_1.html onde se poden escoitar as conferencias e debates da xuntanza de bibliotecas especializadas organizada polo Museo
-a información de difusión en formato vídeo no canal de youtube:
http://www.youtube.com/user/museoetnoloxico?feature=results_main
-as reportaxes fotográficas en formato jpg, png  na rede social filckr:
http://www.flickr.com/photos/74240853@N02/
 http://www.flickr.com/photos/bibliotecamuseoetnoloxico/

Todas estas redes sociais teñen  a vantaxe de que calquera pode compartillar estes documentos o que facilita a súa visibilidade, ademáis de posicionar a información do Museo Etnolóxico nos grandes buscadores.

Un dos canais de comunicación directa é a páxina e de facebook: http://www.facebook.com/pages/MUSEO-ETNOLOXICO-RIBADAVIA/179525058772680 , ao ser unha páxina e non un perfil (ainda que tamén temos) calquera pode acceder á información, ainda que non esté rexistrado en facebook, tentamos actualizar cada día, aportando contidos non só de actividades senón tamén difundindo os fondos do museo e da súa biblioteca.
código qr blogue Museo

   qr blogue Biblioteca Museo
Con motivo do Día Internacional dos Museos 2012 creamos dous códigos bidi ou códigos qr  un para o blogue do Museo e outro para o blogue da Biblioteca do Museo (os códigos qr son códigos de barras de resposta rápida, permiten con un lector de móvil entrar directamente no blogue).
Ademáis abrimos un conta en twitter @museoetnoloxico para ,a través dos #hastag que se van creando, incluir as actividades do Museo e da Biblioteca, como no hastag para este Día Internacional dos Museos #DIM2012, desde o momento que o empezamos a utlizar aumentaron considerablemente as visitas ao blogue do Museo o que demostra a súa eficacia como canal de comunicación.

Non podemos esquecer o acceso ao catálolgo de moitas das pezas do Museo Etnolóxico a través do portal da Red Digital de Colecciones de Museos de España (CERES. Colecciones en Red) http://ceres.mcu.es/pages/SimpleSearch?index=true incluindo na búsqueda: etnologico ribadavia. Así como o acceso aso fondos bibliográficos da Biblioteca do Museo a través do portal da Rede de Bibliotecas de Galicia http://rbgalicia.xunta.es/index2.php?ap=33&subApartado=63 .

2 comentários:

Mondoxíbaro disse...

Parabéns pola iniciativa, só unha pequena suxerencia, nos QR que amosades, teñen codificado o enderezo do blogue, non si? pero é o enderezo normal, como si o fas diante do teu ordenandor, namentras que os QR os capturas cun móbil, e che redirixe ao enderezo web para velo como se fose o ordenandor de casa ainda que o fas nunha pantalla moito máis pequena.

Eu vos propoño por o enderezo móbil do sitio, así por exemplo, para blogger o voso enderezo quedaría:

http://bibliotecamuseoetnoloxico.blogspot.com.es/?m=1

ou de xeito máis acurtado (empregando un servizo acurtador de URL en galego)

http://ir.gl/BME

É dicir, que calquera enderezo normal que teñades en blogger, lle engades o código ?m=1 e blogger interpreta que o aparello que vai visionar a páxina en cuestión, é dende un móbil

biblioteca museo etnolóxico disse...

Moitísimas grazas pola suxestión! así o faremos, sempre aprendendo así da gusto