sexta-feira, 11 de julho de 2014

"Tes máis conto que Calleja"


Doazón de mini contos Calleja
O ano pasado fixeron a Biblioteca do Museo Etnolóxico unha doazón de nove mini contos de 10 x 7 cm da Editorial Saturnino Calleja, case todos de 1901, son minicontos cunha letra moi pequena, con execelentes ilustracións en branco e negro no interior e en cor na capa, sempre con contidos divertidos incluindo un certo tono instrutivo e formativo.

Estes son os títulos que forman  parte da doazón: El tesoro del dragón, La leyenda de la seda, La buena maga, Los cuatro huerfanitos, Amor de madre, Un amigo generoso, Miguelito Tarambana, El brujo y las tres hermanas, Los gusanitos de seda, por suposto nótase o paso do tempo, ainda que moi ben conservados todos os exemplares e con gran aprezo, pois tres deles aparecen meticulosamente cosidos pois perderon a grampa que unía as follas.




A editorial española Saturnino Calleja fundada en 1879, que estivo en activo catro décadas, supuxo unha revolución dentro da edición de libros escolares e de literatura infantil en España, pois permitiu que un grande número de nenas/os con baixo poder adquisitivo a principios do S. XX en España e Hispanoamérica poideran ler e estudar en libros baratos mais primando sempre a súa grande calidade editorial con excelentes ilustraccións, debuxos e gravados de recoñecidos artistas da época, sen esquecer as novas tendencias pedagóxicas europeas nos libros de texto.
Foi unha empresa editorial familiar que renovou e modernizou a edición de libros infantís preocupándose a vez polo papel educador e a calidade material do libro en particular das ilustracións, así como a innovación nos formatos e nos prezos, estas ideas van influír nas outras editoriais españolas e a súa preocupación pola instrución das clases populares.

En 1884 Saturnino Calleja empezou a publicación de contos infantís en Madrid, contos e lendas populares que calquera podía comprar por 5 ou 10 céntimos, os contos de Grimn, Andersen, Perrault, Salvador Bartolozzi co seu Pinocho, Juan Ramón Jiménez, Rafael Penagos, Federico Ribas Ferrer foron popularizados a través destes contiños de 10 x 7 cm. Estes contiños de Calleja supuxeron a revolución na literatura infantil española polo formato pequeno que abarataba os costes, pero tamén pola beleza da súas ilustracións.
Estes contiños baratos están ilustrados polos mellores ilustradores da época: Bartolozzi, Antonio Robles, Corona, Méndez Bringa, Picolo, Manuel Ángel...


Para saber máis:

-Cuentos de Calleja: historia, homenaje y recuerdo 

-Aproximación a los cuentos de Calleja /Anabel Saiz Ripoll

-Los cuentos de Calleja cumplen 100 años / Enriqueta Albizua

-Para que lean los niños: II República y promoción de la literatura infantil / Marie Franco

-La evolución de la literatura infantil y juvenil en España / Teresa Colomer

Sem comentários: